Hey úlvar og foreldur

Nú er summarsteðgurin í nánd, bara tveir úlvafundir eru eftir í hesum skótaárinum.

Fyri at tríva í ein gamlan tátt hjá úlvaliðnum hjá SSB er ætlanin at fara í bátin hjá skótaliðnum á fundinum 5. juni. Tí fara vit at biðja úlvarnar um at møta kl. 16.30 undir Bryggjubakka, við neysti har Sigmundur Brestisson (báturin) stendur (sí annars mynd fyri vegleiðing). Fundurin endar sum vant kl. 18.00, tó so skulu vit viðmerkja at vit verða úti allan fundin, so úlvarnir mugu verða ílatnir eftir veðrinum og vit verða ikki uppi í Skótahøllini.

Vit fara ein lítlan túr við bátinum í bátahylinum, men vit fara at læra eitt sindur um bátin og trygd umborð áðrenn vit fara umborð. Skótaliðið eigur eisini bjargingarvestar og eingin fer í bátin uttan ein bjargingarvest. Vónandi fáa vit ein hugnaligan fund undir Bryggjubakka og minnist til at vit møta ikki í Skótahøllini til úlvafund mikudagin 5. Juni, men við neysti hjá Sigmundi.

Síðsti fundur áðrenn summarsteðgin verður 12. Juni og tá møta vit í Skótahøllini. Hesin fundur verður ein hugnafundur við báli og tí sum hartil hoyrir.





Við skótakvøðu
Leiðararnir.

Hey úlvar, skótar, birkibeinar, rovarir, leiðarir og foreldur!

 

Nú verður aftur árligi JOTT gongutúrurin, sum vit í SSB hava havt til siðvenju at ganga hesu síðstu árini.

Ætlanin er í ár at ganga út í Bø úr Kirkjubø. Um vón og veðurgudar vilja fara vit við bussleiðini úr Havn til Kirkjubøar og ganga úr Kirkjubø út í Bø. Hetta skuldi verið ein lættari túrur at ganga. Vit hava eisini onkran styttri túr at taka til um tað verður ov illfýsi í veðrinum.

Ætlandi fara vit Leygardagin 11/05-19 við leið 8 sum koyrir frá SMS kl. 09.52, so vit møta í Skótahøllini kl. 09.30, stundisliga. Tey sum ikki náa bussin kunnu møta okkum í Kirkjubø við kirkjuna kl. 10.20.

 

Sum nakað heilt nýtt er eisini ætlan um at vit taka ein gamlan skótatátt uppaftur. Fyrr var vanligt at skótar fríðkaðu um øki ymsastaðni í teirra nærumhvørvi, so tað fara vit at gera tá vit eru komin út í Bø, har vit hava sett okkum fyri at rudda í fjøruni.

 

Vit heita á allar úlvar, skótar, birkibeinar, rovarir, leiðarir og foreldur, ið koma við um at vera ílatin eftir veðrinum og at hava ein góðan matpakka og okkurt drekkandi við í ryggsekkinum, eisini er ráðiligt at taka arbeiðshandskar við.

 

Við skótakvøðu.

Leiðararnir.

Leygardagin 27. Apríl hittust yvir hálvthundrað gamlir skótar til ein hugnadag og kann ikki sigast at betur dagur varð valdur, tí veðrið var við hesum hópinum - um vit hyggja burtur frá mjørkanum á Oyggjarvegnum, ið gjørdi at ætlaði túrurin í fjøllunum var frágingin og tí fór leiðin til Kirkjubøar og haðani til gongu út í Bø.

Hesir skótarnir hittist í Skótahøllini seinnapartin, har høvi varð hjá fólki at hyggja seg um í Skótahøllini og økinum uttanum - flestu vóru á einum máli um at her sá út sum tað átti, tó við ymsum broytingum til tað betra.

Upprunaliga, verður sagt frá, at ætlanin varð at bussar skuldu standa niðri við hjá Bambus, men av tí at Hoydalsvegur og Niels Finsensgøta hava verið nærum uppgrivnir vegir í seinastuni, so bar hetta ikki til. Bussarnir bíðaðu gongulagnum yviri í R. C. Effersøesgøtu, beint við SMS, har teir síðan førdu hópin til Kirkjubøar.

Tá gingið varð út í Bø varð práta dúgliga millum gamlar og nýggjar skótavinir frættist og eisini vóru nakrar felagsmyndir tiknar.

Eftir gongutúrin varð síðan borðreitt í Skótahøllini við góðum mati, ið kokkurin Leif Sørensen hevði staðið fyri.

Vit leggja her nakrar myndir, ið Allan Brockie hevur tikið á túrinum.

7. apríl 2018 fekk Høgni Jensen heiðursløn frá Føroya Ungdómsráð, fyri sítt sera stóra arbeiði innan skótarørsluna og fyri at flyta føroysku skótarørsluna framá.

SSB ynskir Høgna til lukku við henda uppiborna heiður