Søg Blog
Úlvafundur Mikukvøldið 8. Januar 2020

Hey úlvar.

Nú eru jólini farin afturum og vit byrja aftur við úlvafundum mikukvøldið 8/1 2020, kl. 17.00.

Vit gleða okkum at síggja tykkum aftur.

Við úlvakvøðu.
Leiðararnir.

Úlvalega við Leynavatn

Mikukvøldið í síðstu viku fingu úlvarnir innbjóðing til ársins fyrstu úlvalegu. Summir av úlvunum vóru ikki møttir og tí leggja vit innbjóðingina út her á síðuna.
24 tma lega Leynavatnpng
Eisini er hent at hava ein pakkilista - hesin kann væl nýtast sum íblástur.


pakkilistipng
Eitt nýtt skótaár er byrjað

Hey úlvar, skótar og birkibeinar!

Nú er summarsteðgurin farin afturum og skótavirksemi kyknar aftur í Skótahøllini við Havnará.
Vónandi hava tit havt eitt gott summar við alskyns upplivingum og vit gleðast at síggja tykkum aftur.

Soleiðis møta vit í komandi skótaári:

úlvar møta mikudagar frá kl. 17.00-18.30

skótar møta týskvøld og mikukvøld frá kl. 19.00-21.00

birkibeinar møta hóskvøld frá kl. 19.00-21.00

rovarir møta eftir egnari fyriskipan.

Síðsti úlvafundur hetta skótaárið 12. Juni.

lvur - Copypng

Hey úlvar!

Vit eru komin so tætt at summarinum og skúlarnir fara skjótt í summarfrí. Tað merkir at úlvarnir eisini fara í summarfrí. Vanliga siga vit at skótaárið byrjar eina viku eftir skúlarnir byrja og næstan tað sama siga vit um nær skóta árið endar, eina viku áðrenn skúlarnir.

Á hesum síðsta fundi í ár, so fara vit at grilla, pylsur og pylsubreyð og so eisini úlvaburgarar. Eisini verða dugnatekin (búreising og báturin) og royndir handaðar teimum úlvum, ið hava vunnið sær hesi merkir.

Vit byrja aftur eftir summarsteðgin uml. eina viku aftaná skúlarnir byrja aftur.

vit síggjast :)

Leiðararnir.

Úlvafundur undir Bryggjubakka 5. Juni 2019

Hey úlvar og foreldur

Nú er summarsteðgurin í nánd, bara tveir úlvafundir eru eftir í hesum skótaárinum.

Fyri at tríva í ein gamlan tátt hjá úlvaliðnum hjá SSB er ætlanin at fara í bátin hjá skótaliðnum á fundinum 5. juni. Tí fara vit at biðja úlvarnar um at møta kl. 16.30 undir Bryggjubakka, við neysti har Sigmundur Brestisson (báturin) stendur (sí annars mynd fyri vegleiðing). Fundurin endar sum vant kl. 18.00, tó so skulu vit viðmerkja at vit verða úti allan fundin, so úlvarnir mugu verða ílatnir eftir veðrinum og vit verða ikki uppi í Skótahøllini.

Vit fara ein lítlan túr við bátinum í bátahylinum, men vit fara at læra eitt sindur um bátin og trygd umborð áðrenn vit fara umborð. Skótaliðið eigur eisini bjargingarvestar og eingin fer í bátin uttan ein bjargingarvest. Vónandi fáa vit ein hugnaligan fund undir Bryggjubakka og minnist til at vit møta ikki í Skótahøllini til úlvafund mikudagin 5. Juni, men við neysti hjá Sigmundi.

Síðsti fundur áðrenn summarsteðgin verður 12. Juni og tá møta vit í Skótahøllini. Hesin fundur verður ein hugnafundur við báli og tí sum hartil hoyrir.





Við skótakvøðu
Leiðararnir.

Untitledpng